නාමල් ජනාධිපති වීම කිසිවකුට වත් නැවැත්විය නොහැක
කවුරු මොන කතා කීවත් එදා රට බේරා ගත් නායකයාගේ පුතා වන නාමල් රාජපක්ෂ මහතා අපේ රටේ ජනාධිපති ධුරයට පත්වීම කිසිවකුට නැවැත්විය නොහැකි යැයි ශ්රී ලංකා පොදුජන එක්සත් පෙරමුණේ අනුරාධපුර දිස්ත්රික් නායක, හිටපු මන්ත්රී තිස්ස කුට්ටිආරච්චි මහතා ප්රකාශ කරනවා.
හිටපු මන්ත්රීවරයා මේ බව ප්රකාශ කළේ ශ්රී ලංකා පොදු ජන එක්සත් පෙරමුණ දිවයින පුරා ප්රාදේශීය කාර්යාල පිහිටුවීමේ වැඩපිළිවෙළ යටතේ අනුරාධපුර, පෙරියන්කුලම කාර්යාලය විවෘත කිරීමේ උත්සවයේදීයි.
එහිදී වැඩිදුරටත් අදහස් දැක්වූ හිටපු මන්ත්රීවරයා මෙලෙස ද පැවසූවා.
“වත්මන් රජය වැඩිහිටියා පමණක් නොව කුඩා දරුවන් ද රවටා වැඩ කරනවා. එයට විරුද්ධව ජනතාව නැඟී සිටිය යුතුයි. අපි ඒ සඳහා සූදානම්ව සිටිනවා. යළිත් රට එක්සේසත් කිරීමට නම් නාමල් රාජපක්ෂ ජනපති කළ යුතුයි. එය එදා රට බේරා ගත් ජනාධිපති මහින්ද රාජපක්ෂ මහතාට කරන ගෞරවයක්.
රජරට ගොවි ජනතාවගේ ප්රශ්න විසඳන්න ලාල් කාන්තලාට බැරිවුණාට එය කරන්න අපි සූදානම්. ඒ බව මීළඟ පළාත් සභා මැතිවරණයේදී පෙන්නනවා. වත්මන් රජයට නොහැකි වූ ජනතා සේවය ඉටු කරදී ජනතා ප්රශ්න විසඳනවා. ප්රාදේශීය වශයෙන් සංවිධාන කටයුතු ආරම්භ කර දිවයින පුරා ගෙන යන මේ වැඩපිළිවෙළ අවසන් වන්නේ නාමල් රාජපක්ෂ ජනාධිපති කර ස්වර්ණමය යුගයක් මුළු රටටම උදා කිරීමෙන්.”
