සජබ නායකත්වයෙන් එජාප සමග පොදු ගමනකට
සමගි ජන බලවේගයේ නායකත්වයෙන් සහ මෙහෙයවීමෙන්, එක්සත් ජාතික පක්ෂය සමග පොදු වැඩපිළිවෙළකට දේශපාලන වශයෙන් ප්රවේශවීමට තීරණය කළ බව සමගි ජන බලවේගයේ නායක විපක්ෂ නායක සජිත් ප්රේමදාස මහතා පවසනවා.
සමගි ජන බලවේගය අද (09) පැවැති කෘත්යාධිකාරී මණ්ඩල රැස්වීමේ දී සහ ඊට පෙර පැවැති කළමනාකරණ කමිටු රැස්වීම් දෙකකදී මේ පිළිබඳව ඒකමතිකව තීන්දු කළ බව ඔහු සඳහන් කළා.
එහිදී වැඩිදුරටත් අදහස් දක්වමින් විපක්ෂ නායකවරයා පැවසුවේ රටටත් ජනතාවටත් බලපාන කරුණු කාරණා ගැන සහ ප්රශ්නවලට විසඳුම් ලබාදීමට ප්රායෝගික හා ජනතාවාදී ප්රතිපත්තිමය එකඟතාවයන් මත පක්ෂ දෙකේ අනන්යතාව පවත්වා ගනිමින් ඉදිරියට කටයුතු කරන බවයි.
