මත්ද්රව්ය තුරන් කිරීමට තැබූ පියවර ආපස්සට ගන්නේ නෑ
මෙරටින් මත්ද්රව්ය තුරන් කිරීමට රජය තැබූ පියවර කිසි ලෙසකින්වත් ආපස්සට නොගන්නා බව කම්කරු නියෝජ්ය ඇමැති මහින්ද ජයසිංහ මහතා පාර්ලිමේන්තුවේ දී ඊයේ (23) පැවසූවා.
මත්ද්රව්යයෙන් පිරුණු මේ රට දෙස අහක බලන් සිටීමට වත්මන් ආණ්ඩුව සූදානම් නැති බවත් රටේම ජනතාව ආණ්ඩුව සමඟ අත්වැල් බැඳගෙන මත්ද්රව්යයෙන් තොර රටක් කිරීමට එක් විය යුතු බවත් නියෝජ්ය ඇමැතිවරයා පැවසූවා.
මත්ද්රව්ය සහ සංවිධානාත්මක අපරාධ තුරන් කිරීම සහ නීතිමය රාමුව ශක්තිමත් කිරීම සඳහා වූ ජාතික වැඩසටහන පිළිබඳ කල් තැබීමේ විවාදයට එක්වෙමින් නියෝජ්ය ඇමැතිවරයා මේ බව කියා සිටියා.
නියෝජ්ය ඇමැතිවරයා වැඩ් දුරටත් පැවසූවේ.
පසුගිය දශක හතරකට වැඩි කාලයකදී 1977 හඳුන්වා දුන් විවෘත ආර්ථිකයත් සමඟ රට අශිෂ්ටත්වය කරා ගමන් කරමින් තිබුණා. අනුර සහෝදරයා ජනාධිපතිවරයා වීමෙන් පසුව මේ වන විට මේ සමාජය ශිෂ්ටත්වය කරා මෙහෙයවමින් තිබෙනවා. මිනිස් ජීවිත දෙස සන්සුන්ව බලමින් අපි සිටිනවා.
ආර්ජන්ටිනාව, පාකිස්තානය වගේ රටවලින් මෙරටට මත්ද්රව්ය ආවා. නමුත් පසුගිය කාලය වන විට මත්ද්රව්ය මෙරට නිෂ්පාදනය කරන තැනක් බවට පත්වෙලා. විශේෂයෙන්ම හම්බන්තොට නිෂ්පාදන කරනවා. මොන අපරාධකරුවන් සිටියත් ඔවුන් මර්දනයට ගත් ඉදිරි පියවර අපි නැවත පසුපසට ගන්නේ නැහැ. එය අපි ජනතාවට සහතික කරනවා.
