ක්‍රිකට් පන්දු රැකීමේ නව පුහු­ණ­කරු ශ්‍රීධර්

ශ්‍රී ලංකා ජාතික ක්‍රිකට් කණ්ඩා­යමේ නව පන්දු රැකීමේ පුහු­ණු­කරු ලෙස ඉන්දීය ජාතික රාම­ක්‍රි­ෂ්ණන් ශ්‍රීධර් මහතා පත්කි­රී­මට ශ්‍රී ලංකා ක්‍රිකට් ආය­ත­නය කට­යුතු කර තිබෙනවා.

55 හැවි­රිදි ශ්‍රීධර් මහතා ලබන වසරේ පැවැ­ත්වෙන විස්සයි20 ලෝක කුස­ලාන ක්‍රිකට් තර­ගා­ව­ලිය අව­සන් වන තෙක් ශ්‍රී ලංකා කණ්ඩා­යම සමඟ කට­යුතු කරන අතර, ඒ අනුව ඔහුගේ පත්වීම පසු­ගිය 11 වැනිදා සිට ලබන වසරේ මාර්තු 10 වැනිදා වලංගු වෙනවා.

මින් පෙර ශ්‍රී ලංකා ක්‍රිකට් ආය­ත­නය විසින් පසු­ගිය මැයි මාසයේ තාව­කා­ලික උප­දේ­ශ­ක­ව­ර­යකු ලෙස ශ්‍රීධර් මහ­තාගේ සේවය ලබා ගැනී­මට ද කට­යුතු කළා.

ඔහු මෙර­ටදී දින 10ක පුහුණු කඳ­වු­රක් පැවැ­ත්වී­මට කට­යුතු කළ අතර, ශ්‍රී ලංකා ජාතික ක්‍රිකට් කණ්ඩා­යමේ ක්‍රීඩක ක්‍රීඩි­කා­වන්ගේ පන්දු රැකීමේ තත්ත්වය ඉහළ නැංවීම අර­මු­ණු­කොට මේ පුහුණු කඳ­වුර පැවැ­ත්වුණා.

එමෙන්ම ශ්‍රී ලංකා ‘ඒ’, නැඟී­එන සහ අවු. 19න් පහළ ජාතික සංචි­තයේ ක්‍රීඩ­ක­යන්ට අම­ත­රව ශ්‍රී ලංකාවේ ප්‍රධා­න­තම ක්‍රීඩා සමා­ජ­වල ක්‍රීඩ­කයෝ ද මීට එක් ව්ය.

ක්‍රිකට් පුහු­ණු­ක­රු­වන්ගේ තෙවැනි ශ්‍රේණියේ සහ­ති­ක­ය­කට හිමි­කම් කියන ශ්‍රීධර් මහතා 2014 සිට 2021 දක්වා ඉන්දීය ජාතික කණ්ඩා­යම ක්‍රීඩා කළ ජාත්‍ය­න්තර තරග 300කට අධික සංඛ්‍යා­ව­කදී පන්දු රැකීමේ පුහු­ණු­කරු ලෙස කට­යුතු කර ඇත.