කථානායකට එරෙහි විශ්වාසභංග යෝජනාව කඩිනමින් ගේන්න
කථානායක ජගත් වික්රමරත්න මහතාට එරෙහි විශ්වාසභංග යෝජනාව කඩිනමින් පාර්ලිමේන්තුවට ගෙන ඒමට විපක්ෂ නායක සජිත් ප්රේමදාස මහතා ප්රමුඛ විපක්ෂයේ පක්ෂ නායකයන්ට යෝජනා කරන බව සමගි ජන බල සන්ධානයේ ජාතික සංවිධායක, පාර්ලිමේන්තු මන්ත්රී සුජීව සේනසිංහ මහතා පවසනවා.
මේ සම්බන්ධයෙන් විපක්ෂ නායකවරයා ප්රමුඛ විපක්ෂයේ පක්ෂ නායකයන් සමඟ මෙන්ම පාර්ලිමේන්තුව නියෝජනය නොකරන විපක්ෂයේ පක්ෂ නායකයන් සමඟ ද සාකච්ඡා කරන බව සුජීව සේනසිංහ මහතා පැවසූවා.
විපක්ෂයේ මන්ත්රීවරුන්ට කතා කිරීමට අවස්ථාව ලබා නොදෙමින් කථානායකවරයා ප්රජාතන්ත්ර විරෝධි ලෙස කටයුතු කරන බවත් එම ක්රියාකලාපය සම්බන්ධයෙන් පාර්ලිමේන්තු මන්ත්රීවරුන් දෙදෙනකු මීට පෙර අන්තර් පාර්ලිමේන්තු සංගමයටත් (IPU) පොදු රාජ්ය මණ්ඩලයීය පාර්ලිමේන්තු සංගමයටත්, යුරෝපා පාර්ලිමේන්තු සංගමයටත් පැමිණිලි කර තිබුණු බවද සූජීව සේනසිංහ මහතා පවසනවා.
එම අවස්ථාවේදීත් කථානායකවරයා සිය වගකීම නිවැරදිව ඉටුකරනු ඇතැයි අපේක්ෂාවෙන් විශ්වාස භංග යෝජනාව ගෙනඒම තාවකාලිකව නතර කළ ද කථානායක හිතු මනාපෙට කටයුතු කරන බවද සූජීව සේනසිංහ මහතා පවසනවා.
පාර්ලිමේන්තුවේ නියෝජ්ය මහලේකම්වරයාගේ වැඩ තහනම් කිරීමෙන් කථානායකවරයාහේ හැසිරීම නැවත වතාවක් පෙන්වා ඇති බවද සූජීව සේනසිංහ මහතා වැඩිදුරටත් පැවසූවා.
පාර්ලිමේන්තුවේ ඉහළම තනතුරු වන ලේකම් මණ්ඩලයට මීට පෙර හිටපු කිසිම කථානායකවරයකු බලපෑම් සිදුකර නැති අතර පාර්ලිමේන්තුවේ නියෝජ්ය මහ ලේකම්වරයා වැඩ තහනමකට ලක් කිරීම පාර්ලිමේන්තු ප්රජාතන්ත්රවාදයට එල්ල කළ බරපතළ ප්රහාරයක් බවත් සේනසිංහ මහතා පැවසූවා.
