ගිනිඅවියක් සමග පුද්ගලයෙක් අත්අඩංගුවට

ගිනිඅවියක් සහ අයිස් මත්ද්‍රව්‍ය සමඟ පුද්ගලයෙකු මුල්ලේරියාව, බාරොන් ජයතිලක මාවත ප්‍රදේශයේදී අත්අඩංගුවට ගෙන තිබෙනවා.

පොලීසිය පැවසුවේ බස්නාහිර පළාත් දකුණ අපරාධ කොට්ඨාසයේ නිලධාරීන්ට ලද තොරතුරකට අනුව මෙම වැටලීම සිදුකර ඇති බවයි.

අත්අඩංගුවට ගන්නා අවස්ථාවේදී සැකකරු සතුව තිබී විදේශ රටක නිෂ්පාදිධිත පිස්තෝල වර්ගයේ ගිනි අවියක්, එම උණ්ඩ 9 ක්, පතොරම් ගැබක් සහ අයිස් මත්ද්‍රව්‍ය ග්‍රෑම් 13 කට ආසන්න ප්‍රමාණයක් සොයාගෙන තිබෙනවා.

සැකකරු 43 හැවිරිදි වෑබඩ ප්‍රදේශයේ පදිංචිකරුවෙකු බව පොලීසිය පැවසූවා.