කිරින්දේ දී අත්අඩංගුවට ගත් සැකකරුවන්ට රැඳවුම් නියෝග
කිරින්ද ප්රදේශයේදී අයිස් මත්ද්රව්ය තොගයක් සමඟ අත්අඩංගුවට ගත් සැකකරුවන් දින 07ක කාලයක් රඳවාගෙන ප්රශ්න කිරීමට තිස්සමහාරාම මහෙස්ත්රාත් අධිකරණය පොලීසියට අවසර ලබා දී තිබෙනවා.
සැකකරුවන් ඊයේ (12) පස්වරුවේ තිස්සමහාරාම මහෙස්ත්රාත් අධිකරණය වෙත ඉදිරිපත් කිරීමෙන් අනතුරුව අධිකරණය විසින් මෙම නියෝගය ලබාදුන් බව පොලීසිය පැවසුවා.
ඒ අනුව එම සැකකරුවන් සම්බන්ධයෙන් පොලිස් මත්ද්රව්ය නාශක කාර්යාංශය විසින් විමර්ශන සිදුකිරීමට නියමිතව තිබෙනවා.
බස්නාහිර පළාත් උතුරු අපරාධ කොට්ඨාශයට ලද තොරතුරක් මත කිරින්ද ප්රදේශයේදී මුහුදු මාර්ගයෙන් දිවයිනට රැගෙන ආ අයිස් මත්ද්රව්ය කිලෝග්රෑම් 329ක තොගයක් සමග සැකකරුවන් හත් දෙනෙකු ඊයේ දිනයේදී අත්අඩංගුවට ගනු ලැබූවා.
අදාළ මත්ද්රව්ය ඩුබායිහි සැඟව සිටින සංවිධානාත්මක අපරාධ කල්ලි සාමාජිකයකු සහ මත්ද්රව්ය ජාවාරම්කරුවෙකු වන දික්වැල්ලේ ‘රන් මල්ලි’ නැමැත්තාට අයත් බවට ද පොලීසිය සිදුකළ මූලික විමර්ශනවලදී අනාවරණය වී ඇති බව සඳහන්වේ.
