දකුණු පිලිපීන මුහුදේදී මගී යාත්රාවක් පෙරළී 18ක් මරුට
දකුණු පිලිපීනයේ මුහුදු සීමාවේදී මගී යාත්රාවක් පෙරළීමෙන් 18 දෙනකු ජීවිතක්ෂයට පත්වී ඇතැයි විදෙස් මාධ්ය වාර්තා කරනවා.
ට්රිෂා කර්ස්ටින් නමැති භාණ්ඩ හා මගී ප්රවාහන යාත්රාව පිලිපීනයේ දකුණු දෙසින් පිහිටි බලුක් බලුක් දූපත අසලදී ඊයේ අලුයම 2.00 පමණ මේ අනතුරට ලක්වී ඇති අතර, ඒ වනවිට කාර්ය මණ්ඩලයේ සාමාජිකයන් 27ක් සහ මගීන් 332 දෙනකු යාත්රාවේ සිටි බවට තොරතුරු ලැබී ඇතැයි පිලිපීන වෙරළාරක්ෂක බළකාය ප්රකාශ කර තිබෙනවා.
අනතුරට පත්වූ යාත්රාවේ සිටි 317 දෙනකු මුදා ගෙන ඇති අතර, තවත් 24 දෙනකු අතුරුදන් වී ඇතැයි වාර්තා වේ.
පුද්ගලයන් 350කට ප්රමාණවත් එම යාත්රාවේ ධාරිතාව ඉක්මවා 359 දෙනකු ගමන් කිරිම යාත්රාව පෙරළීමට හේතුවන්නට ඇතැයි අනුමාන කරන බව නිවේදනයක් නිකුත් කරමින් වෙරළාරක්ෂක බළකාය වැඩිදුරටත් සඳහන් කර ඇත.
කෙසේ වුවත් අනතුරට හේතුව සොයා ගැනීමට පරික්ෂණයක් පවත්වන බව පිලිපීන රජය ප්රකාශ කර තිබෙනවා.
අතුරුදන්වූවන් සොයා ඊයේ පස්වරුව වනවිටත් පිලිපීන ආරක්ෂක අංශ සහ වෙරළාරක්ෂක බළකාය ඒකාබද්ධව එම මුහුදු සිමාවේ දැවැන්ත මෙහෙයුමක් සිදු කරමින් සිටි බව වාර්තා වෙනවා.
මෙහෙයුම සඳහා එරට ගුවන් හමුදාවේ හෙලිකොප්ටර් යානා 2ක් ද යොදා ඇතැයි වාර්තා වේ.
