සමාජ මාධ්ය දරුවන්ට ඇති කරන බලපෑම් පිළිබඳ ප්රතිපත්ති සමාලෝචනයක්
සමාජ මාධ්ය මගින් දරුවන්ට ඇති කරන බලපෑම පිළිබඳ ජාතික ඇගයීමක් සහ ප්රතිපත්ති සමාලෝචනයක් ආරම්භ කිරීමට සැලසුම් කර ඇති බව ඩිජිටල් ආර්ථික නියෝජ්ය අමාත්ය එරංග වීරරත්න මහතා පවසනවා.
අධ්යාපන අමාත්යාංශය, කාන්තා සහ ළමා කටයුතු අමාත්යාංශය සහ ඩිජිටල් ආර්ථික අමාත්යාංශය එක්ව මෙය සිදුකරනු ලබනවා.
ළමා ආරක්ෂාව, අධ්යාපනය, සෞඛ්ය, මානසික සෞඛ්ය, සයිබර් ආරක්ෂාව, නීති, පර්යේෂණ ආදී සියලු ක්ෂේත්රවල ප්රවීණයන්ගේ, සිවිල් සමාජයේ සහ යෞවනයන්ගේ හඬට ඇහුම්කන් දෙමින් එම වැඩපිළිවෙළ ඉදිරියට ගෙන යාම අපේක්ෂාව බවද නියෝජ්ය අමාත්යවරයා පැවසූවා.
