එන්න කියන ඕනෑ වෙලාවක අපි යනවා
නිර්දෝෂිභාවය ඔප්පු කිරීමට පුළුවන් හොඳම ක්රමය, පරීක්ෂණ කටයුතුවලට සහයෝගය ලබාදීම බව ශ්රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්රී නාමල් රාජපක්ෂ මහතා පවසනවා.
ශ්රී ලංකා පොදුජන පෙරමුණ පක්ෂ මූලස්ථානයේදී පැවති සාකච්ඡාවකින් අනතුරුව මාධ්ය වෙත අදහස් දක්වමින් මන්ත්රීවරයා මේ බව පැවසූවා.
නාමල් රාජපක්ෂ මහතා වැඩිදුරටත් මෙසේද පැවසූවා.
“එන්න කියන ඕනෑ වෙලාවක අපි යනවා. ආණ්ඩුවේ අයත් දැනගන්න ඕනෑ බලපෑම් කරලා, බය කරලා මේ ගමන යන්න බැහැ කියලා. ඉතින් පැහැදිලිවම මේකට පරීක්ෂණයක් වෙන්න ඕනෑ. ඒ නිසා අපි හිතනවා අපේ නිර්දෝෂිභාවය ඔප්පු කරන්න පුළුවන් හොඳම ක්රමය තමයි පරීක්ෂණ කටයුතුවලට සහයෝගය දෙන එක. හැබැයි අනිත් පැත්තෙන් ඒ පරීක්ෂණ කටයුතුවලට බලපෑම් කරලා බලහත්කාරයෙන් කටඋත්තර ලියාගන්න න්යායපත්රය ක්රියාත්මක වෙනවා නම් සාධාරණයක් වෙන්නෙ නෑ. අවසානයේ ඒකෙ පාඩුවත් ගෙවන්න වෙන්නේ මේ රටේ ජනතාවට. මොකද ජනතාව රවට්ටන්න තමයි එහෙම කරන්නේ.
අපි එන්න ඕනෑ කියන ඕනෑම වෙලාවක යනවනේ. ඒ හින්දා ඒක ගැන ප්රශ්නයක් නෑ. මඟහරින්න හේතුවක් නෑනේ. හැබැයි දැනට ඉන්න ආණ්ඩුව බොහෝ ප්රශ්න මඟහැරලා මාරු වෙන්න උත්සාහ කරනවා. හැබැයි ඉතින් එහෙම ලිස්සල ගිහිල්ලා හරියන්නෙ නැහැ. මහින්ද රාජපක්ෂ මහත්මයා කියන්නේ ප්රශ්නවලින් පැනලා යන කෙනෙක් නෙවෙයි, එන්න කිවුවා ගියා.”
