දිවයින පුරා ලබන 15 දින සිට ඩෙංගු මර්දන සතියක්
ඩෙංගු රෝග ව්යාප්තිය පාලනය කිරීම සඳහා ලබන 15 දින සිට ඩෙංගු මර්දන සතියක් ප්රකාශයට පත් කිරීමට ජාතික ඩෙංගු මර්දන ඒකකය පියවර ගෙන තිබෙනවා.
ජාතික ඩෙංගු මර්දන ඒකකයේ ප්රජා වෛද්ය විශේෂඥ ප්රශිලා සමරවීර මහත්මිය සඳහන් කළේ, මේ වන විට දිවයින පුරා ඩෙංගු රෝග ව්යාප්තිය ඉහළ යාම හේතුවෙන් මෙම පියවර ගෙන ඇති බවයි.
ඩෙංගු මදුරුවන් බෝ වන ස්ථාන පාලනය කිරීම සඳහා විශේෂ මදුරු වැඩසටහනක් පසුගිය 8, 9 සහ 10 යන දිනවලදී ද දිවයින පුරා පවත්වනු ලැබුවා.
තවදුරටත් ඩෙංගු රෝග ව්යාප්තිය පාලනය කිරීම සඳහා පළාත් පාලන ආයතන මට්ටමින් මදුරු මර්දන සතියක් ක්රියාත්මක කිරීමට සැලසුම් කර ඇති බව ජාතික ඩෙංගු මර්දන ඒකකයේ ප්රජා වෛද්ය විශේෂඥ ප්රශිලා සමරවීර මහත්මිය සඳහන් කළා.
