අද ශ්රී ලංකා කොදෙව් ටෙස්ට් තරගය
සංචාරක ශ්රී ලංකා කණ්ඩායම සහ බටහිර ඉන්දීය කොදෙව් කණ්ඩායම අතර තරග 2කින් සමන්විත ටෙස්ට් තරගාවලිය අද (25) නෝර්ත් සවුන්ඩ්හි ශ්රීමත් විවියන් රිචඩ්ස් ක්රීඩාංගණයේදී ආරම්භ වෙනවා.අද තරගය මෙරට වේලාවෙන් රාත්රී 7.30ට ආරම්භ වීමට නියමිතයි.
මේ තරගයත් සමඟ ශ්රී ලංකව ටෙස්ට් පිටියට පිවිසෙන්නේ වසරකට පසුව වේ.
මේ තරගාවලිය 2025-27 අයිසීසී ලෝක ටෙස්ට් ශූරතාවලියට ඇතුළත් බැවින් තරගාවලියේ ජය දෙපිලටම තීරණාත්මක වී තිබෙනවා.
එම ශූරතාවලියේදී ශ්රී ලංකාව මේ වන විට තරග දෙකෙන් එකක් ජයගෙන තෙවැනි තැන සිටින අතර, කොදෙව් පිල අවසන් ස්ථානයේ (9) පසු වන්නේ තරග 8කින් 7ක් පරාජය වීමෙනි.
කණ්ඩායම් දෙකම ටෙස්ට් තරගාවලියකට එක් වන්නේ වසර 5කට පසුවන වන අතර, අවසන් වරට 2021 වසරේ ගාල්ලේදී දෙපිල හමුවිය.
ශ්රී ලංකාව එම තරගාවලිය 2-0කින් ජය ගත් අතර, ඉන් පෙර එම වසරේම මාර්තු/අප්රේල් කොදෙව්හිදී පැවති තරගාවලිය ජය පරාජයෙන් තොරව අවසන් විය.
කොදෙව්වන් අවසන් වරට ශ්රී ලංකාවට එරෙහිව ටෙස්ට් තරගාවලියක් ජයගෙන ඇත්තේ 2003 වසරේ කොදෙව්හිදීයි.
ශ්රී ලංකාව අවසන් වරට 2018 වසරේ කොදෙව්හිදී ටෙස්ට් තරගයක් ජයගෙන තිබේ.
එම තරගාවලිය නිමා වූයේ 1-1ක් ලෙසිනි. කෙසේ වෙතත් ශ්රී ලංකාව තවමත් කොදෙව්හිදී ටෙස්ට් තරගාවලියක් ජය ගෙන නැත.
මේ තරගාවලියට එක්වන 17 දෙනකුගෙන් යුත් ශ්රී ලංකා ටෙස්ට් සංචිතයේ නායකයා ලෙස ධනංජය ද සිල්වා කටයුතු කරන අතර, කමිඳු මෙන්ඩිස් උප නායකත්වයට පත්ව ඇත්තේ පළමු වරටය. මේ ක්රීඩකයන් 16 දෙනාට අමතරව තවමත් ජාත්යන්තර තරග වරම් ලබා නැති ඉසිත විජේසුන්දරට ස්ථානයක් වෙන්ව තිබීම විශේෂත්වයකි. 29 හැවිරිදි ඉසිත පළමු පෙළ තරග 58ක් ක්රීඩා කරමින් කඩුලු 152ක් බිඳ හෙළා ඇති අතර, අර්ධ ශතක 3ක් සමඟ ලකුණු 1198ක් රැස් කර තිබෙනවා.
රොස්ටන් චේස්ගේ නායකත්වයෙන් යුත් කොදෙව් සංචිතයට කඩුලු රකින පිතිකරු ජොෂුවා ද සිල්වා යළිත් කැඳවා ඇති අතර, පසුගිය වසරේ ජනවාරි මස එක් තරගයක් පමණක් ක්රීඩා කර ඇති අමීර් ජැන්ගු ද එක් කර තිබේ. අල්සාරි ජෝසප් සහ ෂමාර් ජෝසප් ද යළි කණ්ඩායමට එක්ව සිටියි.
ශ්රී ලංකා සංචිතය – ධනංජය ද සිල්වා (නායක), කමිඳු මෙන්ඩිස් (උප නායක), පැතුම් නිශ්ශංක, ළහිරු උදාර, නිශාන් මධුෂ්ක, දිනේෂ් චන්දිමාල්, පසිඳු සූරියබණ්ඩාර, කුසල් මෙන්ඩිස්, සොනාල් දිනූෂ, මිලාන් රත්නායක, ප්රභාත් ජයසූරිය, රමේෂ් මෙන්ඩිස්, අසිත ප්රනාන්දු, විශ්ව ප්රනාන්දු, ළහිරු කුමාර, ඉසිත විජේසුන්දර, කසුන් රාජිත.
කොදෙව් සංචිතය – රොස්ටන් චේස් (නායක), ජොමෙල් වොරිකන් (උප නායක), ජෝන් කැම්බල්, ටැගෙනරීන් චන්ද්රපෝල්, ජොෂුවා ද සිල්වා, ජස්ටින් ග්රීව්ස්, කවෙම් හොජ්, ෂායි හෝප්, අමීර් ජැන්ගු, අල්සාරි ජෝසප්, ෂමාර් ජෝසප්, බ්රැන්ඩන් කිං, ඇන්ඩර්සන් පිලිප්, කෙමර් රෝච්, ජේඩන් සීල්ස්.
