ඇමති ආනන්ද විජේපාලගේ මන්ත්රී ධුරය සම්බන්ධ පෙත්සම විභාගයට අවසර
මහජන ආරක්ෂක අමාත්ය ආනන්ද විජේපාල මහතා පාර්ලිමේන්තු මන්ත්රී ධුරයක් දැරීමට නුසුදුස්සෙකු බවට තීන්දුවක් ලබාදෙන ලෙස ඉල්ලා ඉදිරිපත් කළ අභියාචනයක් විභාගයට ගැනීමට ශ්රේෂ්ඨාධිකරණය අවසර ලබා දුන්නා.
ශ්රී ලංකා පොදුජන පෙරමුණේ හිටපු පාලක ලේකම් රේණුක පෙරේරා මහතා විසින් ඉදිරිපත් කළ අභියාචනා පෙත්සමක් සලකා බැලීමෙන් අනතුරුව ශ්රේෂ්ඨාධිකරණය මෙම නියෝගය නිකුත් කළ බව අප අධිකරණ වාර්තාකරු පැවසූවා.
පාර්ලිමේන්තු මන්ත්රීවරයෙකු වශයෙන් තේරී පත්වීමෙන් අනතුරුව ආනන්ද විජේපාල මහතා ජනාධිපතිවරයාගේ කාර්ය මණ්ඩල ප්රධානියා වශයෙන් කටයුතු කරන බවත් ඒ අනුව ආණ්ඩුක්රම ව්යවස්ථාව ප්රකාරව ඔහුට පාර්ලිමේන්තු මන්ත්රී ධුරයක් දැරීමට සුදුසුකමක් නොමැති බවට තීන්දුවක් ලබා දෙන්න ලෙස ඉල්ලා මෙම අභියාචනා පෙත්සම ඉදිරිපත් කර තිබුණා.
