වාර්ෂික බස් ගාස්තු සංශෝධනය අද සිට ක්‍රියාත්මකයි

වාර්ෂික බස් ගාස්තු සංශෝධනයට අනුව අද (06) සිට නව ගාස්තු සංශෝධනය ක්‍රියාත්මක වෙනවා.

මෙම ගාස්තු සංශෝධනයට අනුව 12% සිට 20% දක්වා ප්‍රතිශතාත්මකව බස් ගාස්තු ඉහළ දැමීමට ජාතික ගමනාගමන කොමිෂන් සභාව පසුගියදා අනුමැතිය ලබා දුන්නා.

ඒ අනුව මෙතෙක් රුපියල් 30ක්ව පැවති අවම බස් ගාස්තුව රුපියල් 34ක් වන අතර ඊට සමගාමීව සුඛෝපභෝගී බස් රථ ගාස්තුව සහ අධිවේගී මාර්ගවල බස් රථ ගාස්තුව ද ඉහළ දමා තිබෙනවා.

ක්‍රියාත්මක වන නව බස් ගාස්තු සංශෝධනය පිළිබඳව බස් රථ සේවකයින් දැනුවත් කර, ප්‍රවේශපත්‍ර යන්ත්‍ර යාවත්කාලීන කර ගැනීමට ද උපදෙස් ලබාදී ඇති අතර, ඒ සම්බන්ධයෙන් අද සිට දිවයින පුරා පරීක්ෂා කිරීමේ කටයුතු ද සිදුකිරීමට නියමිත බව ජාතික ගමනාගමන කොමිෂන් සභාව සදහන් කළා.

කෙසේ වෙතත් ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා සදහන් කළේ ප්‍රවේශපත් නිකුත් කිරීමේ යන්ත්‍ර යාවත්කාලීන කිරීමට තවත් දින 2ක් ගත වනු ඇති බවයි.