ශ්රී ලංකා පරාජය ගැන සංගාගේ ‘X’ සටහන
ශ්රී ලංකා කණ්ඩායමේ පන්දු යවන්නන් යම් සැලසුමකට අනුව ක්රියා කළද, පිතිකරුවන්ගෙන් එය දැකගත නොහැකි වූ බව ශ්රී ලංකා හිටපු ක්රිකට් නායක කුමාර් සංගක්කාර පවසනවා.
විස්සයි20 ලෝක කුසලාන ක්රිකට් තරගාවලියේ සුපිර 8 වටයේ ඊයේ (22) පැවති එංගලන්තයට එරෙහි තරගයෙන් ශ්රී ලංකාව ලකුණු 51කින් ලැබූ පරාජය සම්බන්ධයෙන් අදහස් දක්වමින් සිය ‘X’ ගිණුමේ සටහනක් තබමින් ඔහු මේ බව පවසා තිබුණා.
එමෙන්ම ශ්රී ලංකා කණ්ඩායමෙන් දැකගත හැකි වූයේ ඉතා දුර්වල ක්රීඩා විලාසයක් බවත් ඔහු පෙන්වා දී තිබෙනවා.
කමිල් මිෂාරගේ ක්රිඩා විලාසය ද එතරම් උසස් මට්ටමක නොතිබූ බව ඔහු එම සටහනෙන් විශේෂයෙන් පෙන්වා දී තිබෙනවා.
ක්රීඩාංගණයේ තණතිල්ලේ ස්වභාවය සහ තරගයේ පවතින තත්ත්වය නිවැරදිව වටහා ගැනීමට පිතිකරුවන් අපොහොසත් වීමෙන් ශ්රී ලංකාවට මෙම පරාජයට මුහුණ දීමට සිදු වූ බව ඔහු වැඩිදුරටත් පවසා තිබේ.
