දැදුරුඔය – පොල්ගොල්ල වාන් දොරටු විවෘතයි

පවතින අධික වර්ෂාව හේතුවෙන් දැදුරුඔය ජලාශයේ වාන් දොරටු 2ක් විවෘත කර ඇති බව වාරිමාර්ග දෙපාර්තමේන්තුව නිවේදනය කරනවා.

එම දෙපාර්තමේන්තුව සඳහන් කළේ, වාන් දොරටු 2ක අඩිය බැගින් විවෘත කර ඇති බවයි.

එම වාන් දොරටුවලින් තත්පරයට ඝන අඩි 1,400ක මුළු ජල ප්‍රමාණයක් මුදා හැරෙනවා.

මේ අතර පොල්ගොල්ල ජලාශයේ වාන් දොරටු හයක් අද අලුයම සිට විවෘත කිරීමට පියවර ගත් බව පොල්ගොල්ල මහවැලි වේල්ල කාර්ය භාර ඉංජිනේරු කාර්යාලය පැවසූවා.

එම වාන් දොරටු අඟල් 18 බැගින් විවෘත කර ඇති බවත් ඉන් තත්පරයට ඝන අඩි 9,000ක මුළු ජල ප්‍රමාණයක් ධාරිතාවක් වික්ටෝරියා ජලාශයට මුදා හැරෙන බවත් වාර්තා වෙනවා.

පොල්ගොල්ල මහවැලි වේල්ලෙන් පහළ ජනතාව මහවැලි ගඟ පරිහරණයේදී වඩාත් සුපරික්ෂාකාරී වන ලෙස පොල්ගොල්ල මහවැලි වේල්ල කාර්ය භාර ඉංජිනේරු කාර්යාලය ඉල්ලා සිට්යි.