අවුරුදු 16ට අඩු පිරිසට සමාජමාධ්ය තහනම් කෙරේ
ඔස්ට්රේලියාවේ ක්රියාත්මක වීමට නියමිත වයස අවුරුදු 16 ට අඩු සමාජ මාධ්ය තහනමට පෙර එම වයස් වල පරිශිලකයින්ගේ සමාජ ගිණුම් වසා දැමීට Instagram, Facebook සහ Threads යන සමාජ මාධ්ය පියවර ගනිමින් සිටින බව විදෙස් මාධ්ය පවසනවා.
මෙම සමාජ මාධ්ය නාම තුනම හිමි Meta සමාගම විසින්, වයස අවුරුදු 13 ත් 15 ත් අතර යැයි විශ්වාස කරන පරිශීලකයින්ට ඔවුන්ගේ ගිණුම් දෙසැම්බර් 4 වන දින සිට අක්රිය කිරීම ආරම්භ කරන බවට කෙටි පණිවුඩ, විද්යුත් තැපෑල සහ යෙදුම තුළ පණිවිඩ මගින් දැනුම් දීමට පටන් ගෙන ඇති බව වාර්තා වේ.
ඕස්ට්රේලියාවේ තහනම දෙසැම්බර් 10 වන දින සිට බලාත්මක වීමට නියමිතව ඇත.
එය TikTok, YouTube, X සහ Reddit ඇතුළු වේදිකා ගණනාවකට බලපාන බවද සඳහන් වේ.
“ලෝක ප්රමුඛ” තහනම “ළමයින්ට ළමයින් වීමට ඉඩ දීම” අරමුණු කරගත් බව ඔස්ට්රේලියානු අගමැති ඇන්තනි ඇල්බනීස් පවසා තිබෙනවා.
මෙටා සහ අනෙකුත් සමාගම් මෙම පියවරට විරුද්ධ වුවද ඔවුන් එයට අනුකූල වන බව සඳහන් වේ.
ඕස්ට්රේලියාව විසින් ඇස්තමේන්තු කර ඇත්තේ වයස අවුරුදු 13-15 අතර වයස් කාණ්ඩයේ ෆේස්බුක් පරිශීලකයින් 150,000 ක් සහ ඉන්ස්ටග්රෑම් හි යෞවනයන් 350,000 ක් සිටින බවයි.
දෙසැම්බර් 4 වන දින සිට, වයස අවුරුදු 16 ට අඩු දරුවන්ට Meta හි සමාජ මාධ්ය වේදිකාවල ගිණුම් නිර්මාණය කිරීමට නොහැකි වනු ඇත.
ගිණුමක් විවෘත කිරීමට සුදුසුකම් ලැබූ විට ඔවුන්ට දැනුම් දිය හැකි වන පරිදි තරුණ පරිශීලකයින්ට ඔවුන්ගේ සම්බන්ධතා තොරතුරු යාවත්කාලීන කරන ලෙස ඉල්ලා සිටින බව සමාගම නිවේදනය කර ඇත.
ඔවුන්ගේ ගිණුම් වසා දැමීමට පෙර ඔවුන්ට ඔවුන්ගේ සටහන්, වීඩියෝ සහ පණිවිඩ බාගත කර සුරැකිව තබා ගැනීමේ හැකියාවක් පවති.
කෙසේ වෙතත් මෙම අක්රිය කිරීම් හමුවේ Instagram, Facebook සහ Threads භාවිතා කිරීමට තරම් නිසි වයසින් සිටින යෞවනයන් සිටීනම් එයට තමන්ගේ මුහුණු ස්කෑන් කිරීමේ ක්රියාවලියක් ඒ සඳහා භාවිතා කිරීම හැකි අතර ඒ සඳහා “වීඩියෝ සෙල්ෆියක්” ගෙන ඒ සඳහා යොමු කිරීමෙන් හැකියව පවතින බව Meta සමාගම පවසා තිබෙනවා.
ඒමෙන්ම ඔවුන්ට රියදුරු බලපත්රයක් හෝ රජය විසින් නිකුත් කරන ලද වෙනත් හැඳුනුම්පතක් ද ලබා දිය හැකිය.
මෙම සියලු සත්යාපන ක්රම මෙම වසර මුලදී එක්සත් රාජධානිය පදනම් කරගත් වයස් පරීක්ෂා සහතික කිරීමේ යෝජනා ක්රමය (ACCS) විසින් ඕස්ට්රේලියානු රාජ්යය විසින් පත් කරන ලද වාර්තාවක පරීක්ෂා කර ඇති බව ඳසහන් වේ.
වයස අවුරුදු 16 ට අඩු අය අවහිර කිරීමට “සාධාරණ පියවර” ගැනීමට අපොහොසත් වන සමාජ මාධ්ය වේදිකා ඕස්ට්රේලියානු ඩොලර් මිලියන 50 (£25m) දක්වා දඩයකට යටත් වේ.
වයස අවුරුදු 16 ට අඩු අය සමාජ මාධ්ය යෙදුමක් බාගත කිරීමට පෙර දෙමාපියන්ගේ අනුමැතිය ලබා ගත යුතු නීතියක් දැකීමට මෙටා සමාගමට අවශ්යව ඇති බව ඳසහන් වේ.
