අමරකීර්ති ඝාතන නඩුවේ 12කට මරණ දඬුවම – Update
පොළොන්නරුව දිස්ත්රික් හිටපු පාර්ලිමේන්තු මන්ත්රී අමරකීර්ති අතුකෝරළට සහ ඔහුගේ ආරක්ෂක නිලධාරියාට පහරදී ඝාතනය කළ බවට වූ චෝදනාවට වරදකරු වූ 12 දෙනෙකුට මරණ දඬුවම නියම කෙරුණා.
අදාළ නඩුවේ තීන්දුව ප්රකාශයට පත්කරමින් ගම්පහ ස්ථිර ත්රිපුද්ගල මහාධිකරණය අද (11) මෙම නියෝගය ලබා දුන්නා.
2023 වසරේ සිට වසර දෙකහමාරකට අධික කාලයක් අඛණ්ඩව විභාග වූ මෙම නඩුවේ තීන්දුව සහන් මාපා බණ්ඩාර, රශ්මි සිංගප්පුලි හා රසන්ත ගොඩවෙල යන මහාධිකරණ ත්රිපුද්ගල විනිසුරු මඬුල්ල විසින් ප්රකාශයට පත්කෙරුවා.
මන්ත්රී අමරකීර්ති අතුකෝරළ ඝාතනයේ තීන්දුව අද
අරගලය පැවති 2022 වසරේ මැයි 9 දා නිට්ටඹුව නගරයේදී පොලොන්නරුව දිස්ත්රික් පාර්ලිමේන්තු මන්ත්රී අමරකීර්ති අතුකෝරළ මහතාට සහ ඔහුගේ ආරක්ෂක නිලධාරියාට පහර දී ඝාතනය කිරීමේ සිද්ධිය සම්බන්ධයෙන් පුද්ගලයන් 41 දෙනකුට එරෙහිව ගම්පහ මහාධිකරණයේ දී ත්රිපුද්ගල විනිසුරු මඬුල්ලක් හමුවේ විභාග කෙරුණු නඩුවේ තීන්දුව අද (11) දින ප්රකාශයට පත් කිරීමට නියමිතයි.
සහන් මාපා බණ්ඩාර, රශ්මි සිංගප්පුලි හා රසන්ත ගොඩවෙල යන ත්රිපුද්ගල විනිසුරු මඬුල්ල හමුවේ දී මෙම නඩුව විභාග කෙරුණු අතර එහි තීන්දුව පසුගිය ජනවාරි මත 14 වැනි දින සිදුකිරීමට නියමිතව තිබුණත් එය අද (11) දක්වා ත්රිපුද්ගල විනිසුරු මඬුල්ල විසින් කල් තබනු ලැබුවා.
