අපි ජනවරම අනුව කටයුතු කර තිබෙනවා
අල්ලස් හෝ දූෂණ චෝදනා විමර්ශන කොමිෂන් සභාවට අයත් කාර්යාල සෑම දිස්ත්රික්කයකම ස්ථාපිත කරන බව මහජන ආරක්ෂක සහ පාර්ලිමේන්තු කටයුතු නියෝජ්ය ඇමැති සුනිල් වටගල මහතා ප්රකාශ කළා.
“අල්ලස් හෝ දූෂණ චෝදනා විමර්ශන කොමිෂන් සභාව මේ වනවිට ස්වාධීනව කටයුතු කරනවා. අපි අපේ දේශපාලන ප්රතිපත්ති ප්රකාශයේ මේ සම්බන්ධයෙන් සඳහන් කර තිබෙනවා. ජනතාවගෙන් කොල්ලකෑ ධනය නැවත අත්පත් කරගන්න අවශ්ය මඟ පෙන්වීම කරමින් එම ආයතන ස්වාධීනව කටයුතු කරන්න පරිසරය සකසා දී තිබෙනවා. මේ පොරොන්දුවට අවශ්ය අල්ලස් හෝ දූෂණ චෝදනා විමර්ශන කොමිෂන් සභාව සහ නීතිපති දෙපාර්තමේන්තුව ස්වාධීනව පවත්වාගෙන යායුතු වෙනවා. වත්මන් අල්ලස් පනත කලින් ආණ්ඩුව විසින් සම්මත කරගෙන තිබෙනවා. වසරක් යනතුරු මාර්ගෝපදේශ සකස් කළේ නැහැ.
නමුත් අපේ ආණ්ඩුව එය කළා. පඹයා හදලා වෙලේ ගහලා තිබුණේ. අපි මේ ව්යායාමය සාර්ථක කර තිබෙනවා. අපි ජනවරම අනුව කටයුතු කර තිබෙනවා. ට්රාන්ස්ෆේරන්ස් ඉන්ටර්නැෂනල් ආයතනය දූෂණ තත්ත්ව දර්ශකය සම්බන්ධයෙන් විමර්ශනය කර තිබෙනවා.”
