සෞදියෙන් ඉරානයට අනතුරු ඇඟවීමක්
සෞදි අරාබියේ අගනුවර පිහිටි තෙල් පිරිපහදු මධ්යස්ථාන දෙකකට එල්ල වූ ප්රහාරවලින් පසු, අවශ්ය වුවහොත් ඉරානයට එරෙහිව හමුදා ක්රියාමාර්ග ගැනීමට අයිතියක් ඇති බව සෞදි විදේශ අමාත්ය ෆයිසාල් බින් ෆර්හාන් අල් සවුද් කුමරු පවසනවා.
රියාද් නුවර පැවැති විදේශ අමාත්යවරුන්ගේ හමුවකින් අනතුරුව මාධ්යවේදීන් ඇමතූ ඔහු පවසා ඇත්තේ, ඉරානය සිය වැරදි තක්සේරු කිරීම් පිළිබඳව නැවත සමාලෝචනය කළ යුතු බවත්, මෙවැනි ප්රහාර මගින් ටෙහෙරානයට කිසිදු වාසියක් අත්නොවන බවත්ය.
ෆයිසාල් කුමරු වැඩිදුරටත් අවධාරණය කළේ, ඉරානය තම අසල්වැසි රටවල් සමඟ සාකච්ඡා කිරීමට විශ්වාසය නොතබන බවත්, ඒ වෙනුවට අසල්වැසියන්ට බලපෑම් කිරීමට උත්සාහ කරන බවත්ය.
කෙසේ වෙතත්, මෙම ප්රවේශය කිසිසේත් සාර්ථක නොවන අතර එය දේශපාලනිකව මෙන්ම සදාචාරාත්මකවද ටෙහෙරානයටම අහිතකර ලෙස බලපානු ඇති බව ඔහු පවසා ඇත.
