නිවසක් තුළ බෑගයකින් මතු වූ දෙදරු මවගේ මළ සිරුර

සීදූව, මූකලන්ගමුව ප්‍රදේශයේ නිවසක නිදන කාමරයක් තුළ ගමන් බෑගයක තිබී කාන්තා මළ සිරුරක් ඊයේ(21) සොයාගෙන තිබෙනවා.

පොලීසිය පැවසුවේ නිවසකින් දුර්ගන්ධයක් හමන බවට ලද තොරතුරක් මත විමර්ශණ ආරම්භ කළ බවයි.

මියගොස් ඇත්තේ 79 හැවිරිදි එම ප්‍රදේශයේ පදිංචි කාරිනියකී.

අදාළ නිවසේ ඇය තනිව පදිංචිව සිට තිබුණා.

නිවසේ සවිකර තිබූ CCTV කැමරා ගලවා ඉවත් කර, දුරකථන රැහැන්ද කපා ඇති බවට විමර්ශණවලදී අනාවරණය වී තිබෙනවා.

සිරුර පිළිබඳ මහේස්ත්‍රාත් පරීක්ෂණය හා පශ්චාත් මරණ පරීක්ෂණය ඊයේ සිදුකළ අතර සිද්ධියට සැකපිට අසල්වැසියෙකු අත්අඩංගුවට ගෙන තිබෙනවා.

පොලීසිය පැවසුවේ අවට නිවෙස්වල CCTV ඔස්සේ සිදුකළ විමර්ශනවලින් සැකකරු හඳුනාගෙන ඇති බවයි.

සැකකරු අද (22) මීගමුව මහේස්ත්‍රාත් අධිකරණයට ඉදිරිපත් කිරීමට නියමිතයි.