ඩෙංගු අධිඅවදානම් කලාප මෙන්න
දිවයින පුරා පවතින ඩෙංගු ව්යාප්තිය පාලනය කිරීම සහ මර්දන කටයුතු කඩිනම් කිරීම සඳහා දිස්ත්රික්ක 14කට අයත් ග්රාම නිලධාරී වසම් 538ක් අධි අවදානම් කලාප ලෙස ප්රකාශයට පත් කරමින් රජයේ ප්රවෘත්ති දෙපාර්තමේන්තුව විසින් විශේෂ නිවේදනයක් නිකුත් කර තිබෙනවා.
එම වාර්තාවට අනුව වැඩිම බලපෑමක් එල්ල වී ඇත්තේ බස්නාහිර පළාතට වන අතර, කොළඹ, ගම්පහ සහ කළුතර දිස්ත්රික්කවල ග්රාම නිලධාරී වසම් බහුතරයක් මීට ඇතුළත් වෙනවා.
කොළඹ දිස්ත්රික්කයේ කොළඹ මහා නගර සභා බලප්රදේශයෙහි මහරගම, පිලියන්දල, හෝමාගම, කඩුවෙල, බොරලැස්ගමුව, දෙහිවල, එගොඩඋයන සහ ගොතටුව වැනි සෞඛ්ය වෛද්ය නිලධාරී කොට්ඨාස රැසක ග්රාම නිලධාරී වසම් අධි අවදානම් සහිත බව හඳුනා ගෙන ඇත.
එමෙන්ම ගම්පහ දිස්ත්රික්කයේ අත්තනගල්ල, සීදුව, කැලණිය, රාගම, මිනුවන්ගොඩ, මීගමුව, බියගම, වත්තල, කටාන සහ මහර ඇතුළු ප්රදේශ රැසක ග්රාම නිලධාරී වසම් ද මෙම අවදානම් ලැයිස්තුවට එක් කර ඇත.
කළුතර දිස්ත්රික්කයේ බණ්ඩාරගම, හොරණ, ඉංගිරිය, මතුගම, පාණදුර, වඩ්ඩුව, කළුතර සහ පායගල යන ප්රදේශවල වසම් මේ යටතට ගැනෙනවා.
මීට අමතරව ගාල්ල, හම්බන්තොට, මාතර, මහනුවර, මාතලේ රත්නපුර, කෑගල්ල, කුරුණෑගල , පුත්තලම, බදුල්ල, මඩකලපුව යන දිස්ත්රික්කවල පිහිටි ග්රාම නිලධාරී වසම් ද මෙම අධි අවදානම් ලැයිස්තුව අයත් බව එහි සඳහන් වේ.
