ඩෙංගු මැඬ පවත්වන්න යෝජනා කිහිපයක්ම මට තියෙනවා
මේ වන විට ඩෙංගු රෝගීන් 57,000ක් හා මරණ 36ක් සිදුවී බස්නාහිර පළාතේ රෝහල්වල ධාරිතාව පවා වැඩි වී ඇති බවත් මේ තත්ත්වය මැඬපවත්වන්න යෝජනා කිහිපයක්ම තමා සතුව ඇති බවත් විපක්ෂ සජිත් ප්රේමදාස මහතා පවසනවා.
විපක්ෂ නායකවරයා මෙසේ පැවසුවේ කීට විද්යා සංගමයේ සාමාජිකයන් සමඟ ඩෙංගු උවදුර සම්බන්ධයෙන් ඊයේ (06) පැවති සාකච්ඡාවකදී.
එහිදී විපක්ෂ නායකවරයා මෙසේ ද පැවසූවා.
“පළමු යෝජනාව ලෙස කීට විද්යා ක්ෂේත්රයට අවශ්ය පහසුකම් වැඩි කළ යුතුයි.
ක්ෂේත්රයේ කටයුතු කිරීමට අවශ්ය නෛතික පහසුකම් ලබා දීම දෙවැනි යෝජනාවයි. මේ කීට විද්යා නිලධාරීන් සිය රාජ්ය කටයුතු සිදුකිරීමේදී නීතිමය පනත්වලින් ලැබෙන සහයෝගය අඩුයි. මේ නිසා අදාළ ක්ෂේත්ර පරීක්ෂණ කිරීම අපහසු වී ඇති නිසා නෛතික බලය ලබා දීමට 2007 මදුරු මර්දන පනත 2026ට ගැළපෙන ලෙස සංශෝධනය විය යුතුයි. ඩෙංගු මර්දන වැඩසටහන ක්රියාත්මක කිරීමට අවශ්ය දත්ත මේ අය සැපයුවත් ප්රතිපත්ති සම්පාදනයට තීන්දු තීරණ ගන්න යොදා නොගන්නා නිසා මොවුන්ගේ සහයෝගය ලබා ගන්නා ලෙස යෝජනා කරනවා.
එසේම ඩෙංගු මර්දන රාජකාරි ක්රියාත්මක කිරීමේදී ඉහළින් සිදුවන බලපෑම් අවම කර දත්ත හා විද්යාත්මක කරුණු මත මේ කටයුතු කළ යුතුයි.
කීට විද්යා නිලධාරීන් සමඟ සැබෑ තත්ත්වය ගැන සාකච්ඡා කරන්න අවශ්යයි. ඇමැතිවරයා මැදිහත්වී මේ නිලධාරීන් සමඟ සාකච්ඡා කරන ලෙසට යෝජනා කරනවා. බොළද කාරණා කේන්ද්ර කර ගෙන සාකච්ඡා ප්රතික්ෂේප නොකර සැබැ ගැටලුව හඳුනාගෙන මිනිසුන් ගැන සිතා මේ ගැටලු සාකච්ඡා කළ යුතුයි.”
