LTTE පුහුණු කඳවුරක් ගැන අසත්ය තොරතුරු සමාජගත කළ පුද්ගලයාට වෙච්ච දේ
සමාජ මාධ්ය හරහා වීඩියෝ පටයක් මඟින් මාධ්ය සාකච්ඡාවක් පවත්වා තහවුරු නොවූ අසත්ය කරුණු ඉදිරිපත් කළ පුද්ගලයෙකු ත්රස්ත මර්දන හා විමර්ශන කොට්ඨාසය විසින් අත්අඩංගුවට ගෙන තිබෙනවා.
ඊයේ (18) මෙම සැකකරු අත්අඩංගුවට ගත් බව පොලිස් මාධ්ය කොට්ඨාසය පවසයි.
සමාජ මාධ්ය හරහා වීඩියෝ පටයක් හා මාධ්ය සාකච්ඡාවක් පවත්වා අක්කරායන්කුලම් පොලිස් වසමේ පලෙයි රක්ෂිතයේ එල්ටීටීඊ පුහුණු කඳවුරක් පවත්වා ගෙන යන බවට තහවුරු නොකරන ලද අසත්ය තොරතුරු ප්රචාරය කිරීම සම්බන්ධයෙන් මෙම සැකකරු අත්අඩංගුවට ගෙන ඇත.
අත්අඩංගුවට ගත් සැකකරු 46 හැවිරිදි බෙල්ලන්විල, බොරලැස්ගමුව ප්රදේශයේ පදිංචිකරුවෙකි.
මෙම සැකකරු අද කොළඹ ප්රධාන මහෙස්ත්රාත් අධිකරණය වෙතඉදිරිපත් කිරීමට නියමිත අතර මොහු සම්බන්ධයෙන් ලංකා දණ්ඩ නීති සංග්රහය හා පොලිස් ආඥා පනත ප්රකාරව නෛතික ක්රියාමාර්ග ගැනීමට නියමිතව ඇත.
