හෝමූස් වසාදැමීමේ තීරණය හා ආසියාවේ අනාගතය

අමෙරිකාව සිය න්‍යෂ්ටික මධ්‍යස්ථානවලට එල්ලකළ ප්‍රහාර මාලාවට ප්‍රතිචාර දක්වමින් ඉරාන පාර්ලිමේන්තුව ඊයේ (22) හෝමුස් සමුද්‍ර සන්ධිය වසාදැමීමේ යෝජනාවකට පක්ෂව ඡන්දය ප්‍රකාශ කර තිබෙනවා.

ඉරානයේ මෙම තීරණය ක්‍රියාත්මක වුවහොත් එය ආසියානු රටවලට දැඩි බලපෑමක් එල්ලවනු ඇතැයි දැනටමත් මත පළවී තිබේ.

අරාබිය, ආසියානු රටවලට සිය තෙල් බෙදාහරිනු ලබන්නේ මෙම හෝමුස් සන්ධිය හරහාවේ.

මෙහි පටුම මාර්ගය කිලෝමීටර් 54කින් යුක්ත වන අතර, එම ප්‍රදේශය අයත් වන්නේ ඉරානයටයි.

ඒ අනුව මැද පෙරදිග කලාපයේ මිලියන ගණනින් නිෂ්පාදනය කරන තෙල් රැගෙන යන්න වෙන්නේ මේ හරහායි.

ඉරානය ලෝක තෙල් නිෂ්පාදනයේ හත්වෙනියා වන අතර, ඔවුන් දිනකට බැරල් මිලියන 4ක ප්‍රමාණයක් නිපදවනු ලබයි.

කෙසේ වෙතත් ලෝක තෙල් නිෂ්පාදනයෙන් 9%ක ප්‍රමාණයකට හිමිකම් කියන ඉරානයට 30%ක වෙළෙඳ බලයක් හිමිව තිබෙනවා.

ඔවුන්ට එවැනි බලයක් හිමිව තිබෙන්නේ මේ හෝමුස් සමුද්‍ර සන්ධිය නිසාවේ.