වෙළෙඳ නෞකා ආරක්‍ෂක පහසුකම් සැපයීමෙන් උපයා ඇති ඩොලර් ප්‍රමාණය මෙන්න

වෙළෙඳ නෞකා ආරක්‍ෂක කණ්ඩායම් සඳහා පහසුකම් සැපයීමේ මෙහෙයුම් මඟින් මාස 4ක් තුළ අමෙරිකානු ඩොලර් ලක්ෂ 6කට ආසන්න විදේශ විනිමයක් උපයාගෙන ඇති බව ශ්‍රී ලංකා නාවික හමුදාව පවසනවා.

ඒම මෙහෙයුම් ආරම්භ කළ පසුගිය වසරේ ඔක්තෝබර් 03 සිට මාස හතරක් තුළ අමෙරිකානු ඩොලර් 598,250ක විදේශීය විනිමයක් උපයාගත් බව අධ්‍යක්ෂ ජනරාල් මෙහෙයුම් රියර් අද්මිරාල් හර්ෂ ද සිල්වා මහතා පැවසුවා.

ශ්‍රී ලංකා නාවික හමුදාව විසින් විදේශීය පෞද්ගලික සමුද්‍රීය ආරක්‍ෂක සමාගම් සමඟ ගිවිසුම්ගත වෙමින්, වෙළෙඳ නෞකා ආරක්‍ෂක කණ්ඩායම් සඳහා පහසුකම් සැපයීමේ මෙහෙයුම් කටයුතු ආරම්භ කරනු ලැබුවා.

ඒම මෙහෙයුම් සම්බන්ධයෙන් පැවති ප්‍රවෘත්ති සාකච්ඡාවකට ඒක්වෙමින් යර් අද්මිරාල් හර්ෂ ද සිල්වා මහතා මෙම අදහස් පල කළා.