රජය සේවකයින් හා අනෙකුත් සේවා සදහා ක්රම වේදයක්
පවතින ඉන්ධන සපයා ගැනීමේ ගැටලුව සැලකිල්ලට ගෙන ඊට මුහුණදීම සඳහා රජයේ සේවකයින්ට එළැඹෙන බදාදා (17) සිට සෑම සතියකම බදාදා දිනවල නිවාඩු ලබාදීමට රජය තීරණය කර තිබෙනවා.
රජයේ ප්රවෘත්ති දෙපාර්තමේන්තුවේදී විශේෂ ප්රවෘත්ති සාකච්ඡාවක් පවත්වමින් අත්යවශ්ය සේවා කොමසාරිස් ජනරාල් ප්රභාත් චන්ද්රකීර්ති මහතා මේ බව ප්රකාශ කළා.
එමෙන්ම වැඩ කරන අනෙකුත් සතියේ දින 4දී ද කොපමණ සේවකයින් ප්රමාණයක් සේවා ස්ථානයට ගෙන්වා ගැනීමට අවශ්ය ද යන්න සම්බන්ධයෙන් අවශ්ය තීරණය ගැනීමට රාජ්ය ආයතන ප්රධානීන්ට අවසර ලබා දී ඇති බවද ඒ මහතා පැවසූවා.
පාසල් සහ විශ්වවිද්යාල එමෙන්ම අධිකරණ ක්ෂේත්රයට ද මෙම දිනය නිවාඩු දිනයක් ලෙස සැලකීමට තීරණය කර තිබෙනවා.
කෙසේ නමුත් සෞඛ්ය, වාරාය, ජලය සහ රේගුව වැනි අත්යාවශ්ය සේවා සඳහා මෙම නිවාඩු දිනය අදාළ නොවන බවයි වැඩිදුරටත් පැවසූවේ.
මෙම තීරණය පෞද්ගලික අංශයටත් අදාළ කර ගැනීමට කටයුතු කරන ලෙසට වාණිජ මණ්ඩලයෙන් සහ ලංකා සේවක සම්මේලනයෙන් ද ඉල්ලීම් කළ බව ඒ මහතා පැවසූවා.
මේ අතර සියලු රාජ්ය උත්සව කටයුතු තාවකාලිකව නවතා දැමීමටද තීරණය කර තිබෙනවා.
එමෙන්ම අවශ්ය පරිදි Zoom තාක්ෂණය ඔස්සේ විශ්වවිද්යාලවල දේශන කටයුතු කිරීමට අවසර ලබා දී ඇති බවද පැවසූවා.
ඉන්ධන හිඟයක් රට තුළ නොමැති නමුත් QR ක්රමවේදයේ යම් ගැටලු තත්ත්වයක් පවතින බැවින් එය ඉතාමත් ඉක්මනින් විසඳීමට කටයුතු කරන බව ඒ මහතා පවසනවා.
තවද මේ වන විට රට තුළ මාසෙකට සරිලන ඉන්ධන ප්රමාණයක් පවතින බවත් තවත් ඉන්ධන නැව් 4ක් මෙරටට පැමිණෙන බව තහවුරු කර ඇති බවත් ඒ මහතා මාධ්ය හමුවේදී පැවසූවා.
