මෙවර සිංහල අවුරුද්ද කන්න වෙන්නේ නැහැ
ආණ්ඩුවේ ප්රසාදය සහ අප්රසාදය මනින්න පළාත් සභා මැතිවරණය පැවැත්විය යුතු බව කළුතර දිස්ත්රික් මන්ත්රී රෝහිත අබේගුණවර්ධන මහතා ප්රකාශ කළා.
“එදා ගෝඨාභය රාජපක්ෂ එළවා දැම්මා. ගමකුත් හදා ගත්තා. ගෝඨා එළවන දවස වනවිට හාල් කිලෝව 190ක් වෙනවා. අද සම්බා 400ක් වෙනවා. අද පරිප්පු 360 ක් වෙනවා. මුංඇට 1000ක් වෙනවා. ගෑස් එක 4765ක් වෙනවා. ජනතාව බලාපොරොත්තු වුණේ මොකක් ද. අපි සිටිය ආණ්ඩුවේ වැරදි තිබුණා. ඒ ආණ්ඩුව ගෙදර යැව්වේ ජනතාවට තිබුණු මේ බරින් නිදහස් වෙන්නයි. ගෙදර කුස්සියේ තත්ත්වයෙන් නිදහස් වෙන්නයි. නමුත් සිදුව තිබෙන්නේ කුමක්ද. මේවා ගැන අපේ අවධානය යොමුව තිබෙනවා. ජනගහනයෙන් සියයට 33ට හරිහැටි කෑමක් නැහැ කියනවා. ආණ්ඩුවේ ප්රසාදය සහ අප්රසාදය මනින්න පළාත් සභා මැතිවරණය පවත්වන්න කියා ඉල්ලනවා. ආණ්ඩුව කියනවා බලශක්ති අර්බුදය නිසා රෑට කරන වැඩේ දවල්ට කරන්න කියලා. ඒ වගේම වැඩිපුර නාන්න එපා කියනවා. මේ රටේ තෙල් ගණන් ගිහින් තිබෙනවා. මෙවර සිංහල අවුරුද්ද කන්න වෙන්නේ නැහැ. ඒ තරමට ජනතාවගේ ආර්ථිකය වැටී තිබෙනවා. අද ආණ්ඩුව සහන දෙන්න පියරව ගෙන තිබෙනවා. ධීවරයන්ට ලබාදෙන සහන ගැනත් කතා කළා. මේ වන විට බදු පිට බදු ගහලා තිබෙනවා.”
