ඍජු බදු හා වක්ර බදුවලින් මිනිසුන් හිර කරලා
අද ගොවියා පොහොර නැතුව අනාථ වෙලා ඉන්නේ. බඩු මිල වැඩි වෙලා ගෘහිණිය අනාථ වෙලා ඉන්නේ. තෙල් මිල වැඩි වෙලා ත්රීවීල් රියැදුරන් අනාථ වෙලා. පෞද්ගලික අංශයේ අයට බදු වැඩි වෙලා. ඍජු බදු හා වක්ර බදුවලින් මිනිසුන්ව හිර කරලා යැයි පාර්ලිමේන්තු මන්ත්රී එස්.එම්. මරික්කාර් මහතා කොළොන්නාවේදී පැවසූවා.
එහිදි වැඩිදුරටත් අදහස් දැක්වූ මන්ත්රීවරයා,
“ආණ්ඩුව නම් කියන්නේ, භාණ්ඩාගාරය රුපියල්වලින් පිරී ඉතිරි ගිහිල්ලා කියලයි. හැබැයි ජනතාව වතුර බිල්, ලයිට් බිල් ගෙවා ගන්න බැරුව දරුමල්ලන්ට කන්න බොන්න දෙන්න විදිහක් නැතුව ටියුෂන් පන්ති යවා ගන්න විදිහක් නැතුව අමාරු අඩියටම වැටිල ඉන්නේ.”
“සමහරුන්ට සතියකට එක පාරක්වත් මස් මාළු ටිකක් කෑමට එකතු කරගන්න බැරි තත්ත්වයක් තියෙන්නේ. සමහර අම්මලා දරුවන්ට පෝෂ්යදායි ආහාර වේලක් ලබා දෙන්නේ සතියට දවසයි, දෙකයි. අද කොළොන්නාවේ ගංවතුරෙන් විපතට පත් පවුල් දහ දාහකට වන්දි මුදල් ලැබිලා නැහැ. ඒ අයට ඔප්පු නැහැලු. අනවසරලු. හැබැයි ගංවතුර එනකොට ඔප්පු තියෙනව ද, අනවසර ද කිය කියා බලන්නේ නැතුවයි ආවේ.”
“2016 ගංවතුර වෙලාවේ මම මන්ත්රීවරයා වශයෙන් මැදිහත් වෙලා ලක්ෂ විසිතුන්දාහක් ජනතාවට සහන ලබා දුන්නා” යැයිද පැවසූවා.
