ගිනස් පොතට ගිය රේණුගේ කෙස් කලඹ
ඉන්දියාවේ උත්තර්කාන්ද් ප්රාන්තයේ රූපලාවණය ශිල්පිනියක වන රේණු ධාරියාල් ලොව දිගුම කෙස් කලඹ හිමි ජීවමාන කාන්තාවගේ ගිනස් වාර්තාවට හිමිකම් කීමට සමත් වූ බව එරට මාධ්ය වාර්තා කරනවා.
එම ප්රාන්තයේ හල්ද්වානි නගරයේදී නිල වශයෙන් ඇගේ මේ වාර්තාගත කෙස් කලඹ මැන පරික්ෂා කරද්දී එහි දිග අඩි අටකුත් අඟල් 11ක් බව තහවුරු වී ඇති අතර, ඒ අනුව මෙතෙක් යුක්රේනයේ ආලියා නසිරෝවා අත්කරගෙන සිටි අඩි අටකුත් අඟල් 5ක දිගුම කෙස් කලඹේ වාර්තාව බිඳ වැටුණු බව ඉන්දීය මාධ්ය වැඩිදුරටත් වාර්තා කරයි.
ඉන්දියානු සංස්කෘතිය තුළ දිගු කෙස් කලඹකට හිමිකම් කියන කාන්තාවන්ට වැඩි සැලකිල්ලක් ලැබෙන බවත්, එය සංස්කෘතික සම්ප්රදාය සංකේතවත් කරන බවත් ප්රකාශ කර ඇති රේණු ධාරියාල් වාර්තාගත කෙස් කලඹකට හිමිකම් කීමට එය හේතුවක් වූ බව ද ප්රකාශ කර තිබේ.
වසර 2015න් පසු කිසිදිනෙක සිය හිසකේ කපා නොමැති බව ද රේණු සඳහන් කර තිබෙනවා.
ලොව එතෙක් මෙතෙක් දිගුම කෙස් කලඹේ වාර්තාවට හිමිකම් කියන චීනයේ ෂී කියුපිංග් අඩි 18කුත්, අඟල් 5ක් දිග කෙස් කලඹකට හිමිකම් කී අතර, ඇය මේ වනවිට ජීවතුන් අතර නැත.
