පිරිම්යෙකු කුලියට ගෙන කදුළු පිසදා ගන්නා අලුත්ම ක්රමය
ජපානයේ දී ඔබ සමඟ හඬන්නට සහ ඔබේ කඳුළු පිස දමන්නට, කඩවසම් පිරිමියෙකු කුලියට ගත හැකි සේවාවක් පවතින බව ඔබ දන්නවාද ?
ඒ තමයි, “ඉකෙමෙසෝ දන්ෂි” (Ikemeso Danshi – イケメソ男子) කියන සේවාව. එහි දළ අර්ථය වන්නේ “කඩවසම් හඬා වැලපෙන පිරිමි ළමයින්” යන්නයි.
ඇත්තටම මේ සේවාව මොකක්ද ?
ව්යවසායකයෙකු වන හිරෝකි ටෙරායි (Hiroki Terai) විසින් මෙම සේවාව නිර්මාණය කර තිබෙනවා.
මෙය ඔහු මීට පෙර හඳුන්වා දුන් “රුයි-කත්සු (rui-katsu – 涙活)” හෙවත් “කඳුළු සොයා යාම” නම් සංකල්පයේ තවත් දිගුවක් වෙනවා.
ටෙරායි විශ්වාස කරන්නේ කඳුළු සැලීමෙන් දැඩි මානසික ආතතිය සහ චිත්තවේගීය වෙහෙස මුදා හැරිය හැකි බවයි. විශේෂයෙන්ම බොහෝ දෙනෙකු, තම හැඟීම් සඟවන සමාජයක එය අතිශයින් වැදගත් වෙනවා.
මෙම සේවාව ක්රියාත්මක වන ආකාරය වන්නේ
සාමාන්යයෙන් කාර්යාලවල අධි-ආතති සහිත පරිසරවල වැඩ කරන කාන්තාවන්, අන්තර්ජාල නාමාවලියක් හරහා ඉකෙමෙසෝ කෙනෙක්ව වෙන්කරවා ගන්නවා.
“ඉකෙමෙසෝ” තමන්ගේ සේවාදායකයාගේ නිවසට හෝ කාර්යාලයට ඇවිත්, හැඟීම්බර කෙටි චිත්රපට එකට බලනවා.
කඳුළු ගලන විට ඔහු සැනසීම ලබා දෙනවා, මෘදුව ටිෂූ (tissues) ලබා දෙනවා හෝ කඳුළු පිස දමනවා.
මෙම සාමාන්ය සත්කාරයකට වැය වන්නේ ජපන් යෙන් ¥7,900 (ඇමරිකානු ඩොලර් 51.69) ක් පමණක මුදලක් වේ.
ජපන් මනෝවිද්යාඥයින් කාලයක් තිස්සේ නිරීක්ෂණය කරලා තියෙනවා, හැඬීමෙන් කෝටිසෝල් (cortisol) වැනි ආතති හෝමෝන අඩු වෙන බවත්, ඔක්සිටොසින් (oxytocin – ‘සම්බන්ධතා හෝමෝනය’) මුදා හරින බවත්.
ඉකෙමෙසෝ සේවාව කඳුළු සැලීම දුර්වලකමක් ලෙස නොදැක, එය “මානසික පිරිසිදු කිරීමක්” එහෙමත් නැත්නම් මහන්සි වූ හදවතකට ලැබෙන “මානසික ස්පා (spa)” ප්රතිකාරයක් ලෙස ඔවුන් හඳුන්වා දෙනවා.
සමහර විවේචකයන් මෙය හැඟීම්බර ශ්රමය වෙළඳ භාණ්ඩයක් බවට පත්කිරීමක් ලෙස දැක්වුවත්, තවත් අය මෙය ජපානයේ “නිහඬ හැඟීම්බර පිබිදීමක” ලක්ෂණයක් ලෙස සලකනවා.
ටෝකියෝවේ සමාජ විද්යාඥවරියක් වන යුමිකෝ උඒදා (Yumiko Ueda) පවසන්නේ, මේ වැනි සේවාවන් මගින් “දැඩි විනයක් සහිත සමාජයක, නිර්භීත, විනිශ්චයකින් තොර ආරක්ෂිත අවකාශයන් සඳහා ඇති ආශාව” පිළිබිඹු කරන බවයි.
කෙසේ වෙතත්, ඉකෙමෙසෝ දන්ෂි තවමත් ප්රධාන ධාරාවේ ප්රතිකාර විකල්පයක් නොවී ටෝකියෝ නගරයේ ආයතනික සේවාදායකයින්ට පමණක් සීමා වූ අද්විතීය කර්මාන්තයක් ලෙස පවතිනවා.
ජපානයේ හුදකලාව, ආතතිය සහ මානව සම්බන්ධතාවල අවශ්යතාව පියවීමට මෙවැනි සේවාවන් ආරම්භ වෙමින් පවතිනවා. ඒ අතරින්, ඉකෙමෙසෝ දන්ෂි කැපී පෙනෙන්නේ ඔවුන්ගේ මේ පණිවිඩය නිසයි.
මූලාශ්ර: TIME සඟරාව සහ Hiroki Terai සම්මුඛ සාකච්ඡා
