අවුරුදු නැකත් සීට්ටුව කඩිනමින් රටට ඉදිරිපත් කරනවා
අවුරුදු නැකත් සකස් කිරීමට දායක වන සියලු පාර්ශ්ව ඒකරාශි කරගනිමින් 2026 සිංහල හා දෙමළ අලුත් අවුරුද්ද සඳහා එක් නැකත් සීට්ටුවක් ප්රකාශයට පත් කරන බව බුද්ධ ශාසන, ආගමික හා සංස්කෘතික කටයුතු නියෝජ්ය ඇමැති ගමගෙදර දිසානායක මහතා පවසනවා.
ඒ සඳහා සියලු පාර්ශ්ව එක්කරගෙන විධිමත් සාකච්ඡාවක් පවත්වන බවද නියෝජ්ය අමාත්යවරයා පෙරේදා (10) පැවැති මාධ්ය හමුවකදී පැවසූවා .
මෙවර රජයෙන් නැකත් සීට්ටුවක් ඉදිරිපත් නොකරන බවට විවිධ පාර්ශ්ව පදනම් විරහිත ප්රකාශ ඉදිරිපත් කර ඇති බව පැවසූ නියෝජ්ය ඇමැතිවරයා, එහි කිසිඳු සත්යතාවක් නැති බවද ප්රකාශ කළා.
සංස්කෘතික කටයුතු අමාත්යාංශයේ නැකත් කමිටුව සමඟ සාකච්ඡා කර ඊට අදාළ සියලු ජ්යොතීර්වේදීන් කැඳවා විධිමත්ව සාකච්ඡාවක් පැවැත්වීමටත් ඉන්පසුව මෙවර අලුත් අවුරුදු නැකත් සීට්ටුව රටට ඉදිරිපත් කිරීමට අවශ්ය පියවර කඩිනමින් ගන්නා බවත් ඔහු වැඩිදුරටත් පැවසූවා.
