පාකිස්තානයෙන් ඇෆ්ගනිස්තානට ගුවන් ප්රහාර
පාකිස්තානය විසින් ඇෆ්ගනිස්තානයට එල්ල කළ ගුවන් ප්රහාර හමුවේ කාන්තාවන් සහ ළමුන් ඇතුළු පුද්ගලයින් 18 දෙනෙකු මියගොස් ඇති බව තලේබාන් සංවිධානය පවසනවා.
ඇෆ්ගනිස්තානය මෙම ප්රහාර හෙළා දකිමින් ප්රකාශ කර ඇත්තේ ඒවා සිවිල් නිවාස සහ ආගමික පාසලක් ඉලක්ක කරගනිමින් මෙම ප්රහාර එල්ල කර ඇති බවයි.
කෙසේ වෙතත් පාකිස්තානය පවසා ඇත්තේ මෙම ප්රහාර පකිස්තාන-ඇෆ්ගනිස්තාන දේශසීමාව අසල සටන්කාමී කඳවුරු සහ සැඟවුණු ස්ථාන හතක් ඉලක්ක කරගත් බවත් ඒවා පසුගිය දා පාකිස්තානයේ සිදු වූ මරාගෙන මැරෙන බෝම්බ ප්රහාරවලින් පසුව දියත් කළ ඒවා බවයි.
ඔක්තෝම්බර් මාසයේදී දෙරට අතර සටන් විරාමයකට එකඟ වූවද දිගින් දිගටම ගැටුම් පැවති බව සඳහන් වෙනවා.
